An-Naba

عَمَّ يَتَسَآءَلُونَ

Për çfarë e pyesin ata njëri-tjetrin?

عَنِ ٱلنَّبَإِ ٱلْعَظِيمِ

Për Lajmin e madh,

ٱلَّذِى هُمْ فِيهِ مُخْتَلِفُونَ

rreth të cilit ata kanë kundërshtime.

كَلَّا سَيَعْلَمُونَ

Ani, shpejt do ta marrin vesh!

ثُمَّ كَلَّا سَيَعْلَمُونَ

Sigurisht që shpejt do ta marrin vesh!

أَلَمْ نَجْعَلِ ٱلْأَرْضَ مِهَـٰدًا

A nuk jua kemi bërë Tokën si shtrat

وَٱلْجِبَالَ أَوْتَادًا

e malet si shtylla?!

وَخَلَقْنَـٰكُمْ أَزْوَٰجًا

Ne ju kemi krijuar në çifte

وَجَعَلْنَا نَوْمَكُمْ سُبَاتًا

dhe gjumin jua kemi bërë për prehje.

وَجَعَلْنَا ٱلَّيْلَ لِبَاسًا

Natën jua kemi bërë mbulesë,

وَجَعَلْنَا ٱلنَّهَارَ مَعَاشًا

ndërsa ditën e kemi caktuar për të punuar.

وَبَنَيْنَا فَوْقَكُمْ سَبْعًا شِدَادًا

Mbi ju kemi ndërtuar shtatë qiej të fortë

وَجَعَلْنَا سِرَاجًا وَهَّاجًا

dhe kemi vënë kandil (diell) të shndritshëm!

وَأَنزَلْنَا مِنَ ٱلْمُعْصِرَٰتِ مَآءً ثَجَّاجًا

Nga retë Ne ju lëshojmë ujëra të bollshme

لِّنُخْرِجَ بِهِۦ حَبًّا وَنَبَاتًا

për rritjen e drithërave, bimëve

وَجَنَّـٰتٍ أَلْفَافًا

dhe të kopshteve të dendura.

إِنَّ يَوْمَ ٱلْفَصْلِ كَانَ مِيقَـٰتًا

Sigurisht, Dita e Ndarjes vendimtare është caktuar.

يَوْمَ يُنفَخُ فِى ٱلصُّورِ فَتَأْتُونَ أَفْوَاجًا

Atë Ditë do të fryhet në Sur dhe ju do të vini grupe-grupe.

وَفُتِحَتِ ٱلسَّمَآءُ فَكَانَتْ أَبْوَٰبًا

Dyert e qiellit do të hapen

وَسُيِّرَتِ ٱلْجِبَالُ فَكَانَتْ سَرَابًا

dhe malet do të shtyhen tutje e do të bëhen si mirazh.

إِنَّ جَهَنَّمَ كَانَتْ مِرْصَادًا

Me të vërtetë, Xhehenemi do të bëhet pusi,

لِّلطَّـٰغِينَ مَـَٔابًا

vendbanim i caktuar për keqbërësit,

لَّـٰبِثِينَ فِيهَآ أَحْقَابًا

që aty të mbeten përgjithmonë.

لَّا يَذُوقُونَ فِيهَا بَرْدًا وَلَا شَرَابًا

Aty nuk do të shijojnë as freski, as pije,

إِلَّا حَمِيمًا وَغَسَّاقًا

përpos ujit të valuar dhe qelbësirave,

جَزَآءً وِفَاقًا

si shpërblim përkatës (të veprave të tyre).

إِنَّهُمْ كَانُوا۟ لَا يَرْجُونَ حِسَابًا

Në të vërtetë, ata as që e çonin nëpër mend se do të jepnin llogari

وَكَذَّبُوا۟ بِـَٔايَـٰتِنَا كِذَّابًا

dhe shpalljet Tona i mohonin prerazi.

وَكُلَّ شَىْءٍ أَحْصَيْنَـٰهُ كِتَـٰبًا

Por Ne çdo gjë e kemi shënuar në një libër.

فَذُوقُوا۟ فَلَن نَّزِيدَكُمْ إِلَّا عَذَابًا

Prandaj do t’u themi: “Shijojeni këtë! Ne nuk do t’ju shtojmë gjë tjetër përveçse dënim!”

إِنَّ لِلْمُتَّقِينَ مَفَازًا

Vërtet, për punëdrejtët është përgatitur e mira (Xheneti):

حَدَآئِقَ وَأَعْنَـٰبًا

kopshte dhe vreshta,

وَكَوَاعِبَ أَتْرَابًا

vajza të reja, të së njëjtës moshë,

وَكَأْسًا دِهَاقًا

dhe kupa të plota.

لَّا يَسْمَعُونَ فِيهَا لَغْوًا وَلَا كِذَّٰبًا

Atje nuk do të dëgjojnë biseda të kota e as gënjeshtra.

جَزَآءً مِّن رَّبِّكَ عَطَآءً حِسَابًا

Kështu është shpërblimi nga Zoti yt - dhuratë sipas meritës

رَّبِّ ٱلسَّمَـٰوَٰتِ وَٱلْأَرْضِ وَمَا بَيْنَهُمَا ٱلرَّحْمَـٰنِ ۖ لَا يَمْلِكُونَ مِنْهُ خِطَابًا

Zoti i qiejve dhe i Tokës dhe i gjithçkaje që gjendet midis tyre, i Gjithëmëshirshmi, të Cilit askush nuk do të mund t’i flasë (nga frika).

يَوْمَ يَقُومُ ٱلرُّوحُ وَٱلْمَلَـٰٓئِكَةُ صَفًّا ۖ لَّا يَتَكَلَّمُونَ إِلَّا مَنْ أَذِنَ لَهُ ٱلرَّحْمَـٰنُ وَقَالَ صَوَابًا

Në ditën, kur Shpirti (Xhebraili) dhe engjëjt do të jenë të rreshtuar, nuk do të flasë askush, përveç atij që do t’i japë leje i Gjithëmëshirshmi e që do të thotë të vërtetën.

ذَٰلِكَ ٱلْيَوْمُ ٱلْحَقُّ ۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Ajo është Dita e Vërtetë, prandaj kush të dojë, le të kthehet te Zoti i vet (që në këtë jetë).

إِنَّآ أَنذَرْنَـٰكُمْ عَذَابًا قَرِيبًا يَوْمَ يَنظُرُ ٱلْمَرْءُ مَا قَدَّمَتْ يَدَاهُ وَيَقُولُ ٱلْكَافِرُ يَـٰلَيْتَنِى كُنتُ تُرَٰبًۢا

Me të vërtetë, Ne ju kemi paralajmëruar se është i afërt dënimi, Ditën, kur njeriu do të shohë se ç’kanë bërë duart e tij dhe, kur jobesimtari do të thotë: “Ah, sikur të isha pluhur!”