Al-Haqqah

ٱلْحَآقَّةُ

E Vërteta e pashmangshme!

مَا ٱلْحَآقَّةُ

Ç’është e Vërteta e pashmangshme?

وَمَآ أَدْرَىٰكَ مَا ٱلْحَآقَّةُ

E kush do të ta shpjegojë ty se ç’është e Vërteta e pashmangshme?

كَذَّبَتْ ثَمُودُ وَعَادٌۢ بِٱلْقَارِعَةِ

Fiset Themud dhe Ad e mohuan Gjëmimin e tmerrshëm,

فَأَمَّا ثَمُودُ فَأُهْلِكُوا۟ بِٱلطَّاغِيَةِ

prandaj fisi Themud u shkatërrua nga një ulërimë e tmerrshme,

وَأَمَّا عَادٌ فَأُهْلِكُوا۟ بِرِيحٍ صَرْصَرٍ عَاتِيَةٍ

kurse fisi Ad u shkatërrua nga një furtunë shungulluese të rreptë,

سَخَّرَهَا عَلَيْهِمْ سَبْعَ لَيَالٍ وَثَمَـٰنِيَةَ أَيَّامٍ حُسُومًا فَتَرَى ٱلْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ

të cilën Allahu ua dërgoi atyre shtatë net dhe tetë ditë pareshtur. Atëherë mund t’i vëreje njerëzit të përmbysur si trungjet e hurmave të kalbura.

فَهَلْ تَرَىٰ لَهُم مِّنۢ بَاقِيَةٍ

A sheh ndonjë gjurmë të tyre?

وَجَآءَ فِرْعَوْنُ وَمَن قَبْلَهُۥ وَٱلْمُؤْتَفِكَـٰتُ بِٱلْخَاطِئَةِ

Faraoni, ata para tij dhe populli i qyteteve të rrënuara kryen gjynahe të mëdha,

فَعَصَوْا۟ رَسُولَ رَبِّهِمْ فَأَخَذَهُمْ أَخْذَةً رَّابِيَةً

dhe e kundërshtuan të dërguarin e Zotit të tyre, andaj Allahu i zhbiu ata me dënim të ashpër.

إِنَّا لَمَّا طَغَا ٱلْمَآءُ حَمَلْنَـٰكُمْ فِى ٱلْجَارِيَةِ

Kur vërshoi uji i madh, Ne ju ngarkuam ju në anije,

لِنَجْعَلَهَا لَكُمْ تَذْكِرَةً وَتَعِيَهَآ أُذُنٌ وَٰعِيَةٌ

për ta bërë atë një paralajmërim, që ta dëgjojë çdo vesh i vëmendshëm.

فَإِذَا نُفِخَ فِى ٱلصُّورِ نَفْخَةٌ وَٰحِدَةٌ

Dhe kur t’i fryhet një herë Surit,

وَحُمِلَتِ ٱلْأَرْضُ وَٱلْجِبَالُ فَدُكَّتَا دَكَّةً وَٰحِدَةً

kur toka dhe malet të ngrihen lart e të thërrmohen me një goditje shkatërrimtare,

فَيَوْمَئِذٍ وَقَعَتِ ٱلْوَاقِعَةُ

atëherë do të ndodhë Ngjarja e pashmangshme (Kiameti).

وَٱنشَقَّتِ ٱلسَّمَآءُ فَهِىَ يَوْمَئِذٍ وَاهِيَةٌ

Dhe do të çahet qielli, që atë ditë do të jetë i thyeshëm.

وَٱلْمَلَكُ عَلَىٰٓ أَرْجَآئِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَـٰنِيَةٌ

Engjëjt do të rrinë skajeve të tij, kurse tetë prej tyre do të mbajnë Fronin e Zotit tënd.

يَوْمَئِذٍ تُعْرَضُونَ لَا تَخْفَىٰ مِنكُمْ خَافِيَةٌ

Atë Ditë do të mbeteni zbuluar dhe asnjë fshehtësi juaja nuk do të mbetet pa u shfaqur:

فَأَمَّا مَنْ أُوتِىَ كِتَـٰبَهُۥ بِيَمِينِهِۦ فَيَقُولُ هَآؤُمُ ٱقْرَءُوا۟ كِتَـٰبِيَهْ

Ai, të cilit do t’i jepet libri i veprave të tij nga ana e djathtë, do t’u thotë (njerëzve të tij): “Ja, lexoni librin tim!

إِنِّى ظَنَنتُ أَنِّى مُلَـٰقٍ حِسَابِيَهْ

Vërtet, unë kam qenë i bindur se do të jepja llogari.”

فَهُوَ فِى عِيشَةٍ رَّاضِيَةٍ

Kështu, ai do të ketë jetë të lumtur,

فِى جَنَّةٍ عَالِيَةٍ

në një kopsht të lartë,

قُطُوفُهَا دَانِيَةٌ

frutat e të cilit do t’i kapë lehtë.

كُلُوا۟ وَٱشْرَبُوا۟ هَنِيٓـًٔۢا بِمَآ أَسْلَفْتُمْ فِى ٱلْأَيَّامِ ٱلْخَالِيَةِ

(Njerëzve të tillë u thuhet:) “Ju bëftë mirë, hani e pini për atë, që keni bërë në ditët e kaluara!”

وَأَمَّا مَنْ أُوتِىَ كِتَـٰبَهُۥ بِشِمَالِهِۦ فَيَقُولُ يَـٰلَيْتَنِى لَمْ أُوتَ كِتَـٰبِيَهْ

Por ai, të cilit do t’i jepet libri i veprave të tij nga ana e majtë, do të thotë: “Ah, sikur të mos më ishte dhënë libri im

وَلَمْ أَدْرِ مَا حِسَابِيَهْ

dhe të mos e kisha ditur llogarinë time!

يَـٰلَيْتَهَا كَانَتِ ٱلْقَاضِيَةَ

Ah, të kisha qenë i vdekur (e të mos isha ringjallur)!

مَآ أَغْنَىٰ عَنِّى مَالِيَهْ ۜ

Pasuria ime nuk më solli dobi

هَلَكَ عَنِّى سُلْطَـٰنِيَهْ

dhe më la fuqia ime!”

خُذُوهُ فَغُلُّوهُ

(Do të thuhet) “Kapeni dhe lidheni në pranga,

ثُمَّ ٱلْجَحِيمَ صَلُّوهُ

pastaj digjeni në zjarrin përvëlues,

ثُمَّ فِى سِلْسِلَةٍ ذَرْعُهَا سَبْعُونَ ذِرَاعًا فَٱسْلُكُوهُ

mandej lidheni në zinxhirë prej shtatëdhjetë kutesh,

إِنَّهُۥ كَانَ لَا يُؤْمِنُ بِٱللَّهِ ٱلْعَظِيمِ

sepse ai, me të vërtetë, nuk ka besuar në Allahun e Madhërishëm

وَلَا يَحُضُّ عَلَىٰ طَعَامِ ٱلْمِسْكِينِ

dhe nuk është kujdesur për të ushqyer të varfrit e shkretë.

فَلَيْسَ لَهُ ٱلْيَوْمَ هَـٰهُنَا حَمِيمٌ

Prandaj, ai sot këtu s’ka mik të afërt

وَلَا طَعَامٌ إِلَّا مِنْ غِسْلِينٍ

e as ushqim tjetër, përveç qelbit,

لَّا يَأْكُلُهُۥٓ إِلَّا ٱلْخَـٰطِـُٔونَ

të cilin e hanë vetëm gjynahqarët.

فَلَآ أُقْسِمُ بِمَا تُبْصِرُونَ

Betohem për gjithçka që ju shihni

وَمَا لَا تُبْصِرُونَ

dhe për gjithçka që nuk e shihni,

إِنَّهُۥ لَقَوْلُ رَسُولٍ كَرِيمٍ

se ky (Kuran) është vërtet fjalë e (kumtuar prej) një të Dërguari të nderuar (Muhamedit a.s.)

وَمَا هُوَ بِقَوْلِ شَاعِرٍ ۚ قَلِيلًا مَّا تُؤْمِنُونَ

e nuk është fjalë poeti; sa pak që besoni!

وَلَا بِقَوْلِ كَاهِنٍ ۚ قَلِيلًا مَّا تَذَكَّرُونَ

Nuk është as fjalë e ndonjë falltari; sa pak që po reflektoni!

تَنزِيلٌ مِّن رَّبِّ ٱلْعَـٰلَمِينَ

Ai është shpallje e zbritur nga Zoti i botëve!

وَلَوْ تَقَوَّلَ عَلَيْنَا بَعْضَ ٱلْأَقَاوِيلِ

Sikur ai (Muhamedi), në mënyrë të rreme, të Na kishte veshur ndonjë fjalë,

لَأَخَذْنَا مِنْهُ بِٱلْيَمِينِ

Ne do ta kapnim atë për dorën e djathtë

ثُمَّ لَقَطَعْنَا مِنْهُ ٱلْوَتِينَ

dhe me siguri që do t’ia prisnim damarin e qafës

فَمَا مِنكُم مِّنْ أَحَدٍ عَنْهُ حَـٰجِزِينَ

e askush prej jush nuk do të mund ta mbronte.

وَإِنَّهُۥ لَتَذْكِرَةٌ لِّلْمُتَّقِينَ

Natyrisht, Kurani është përkujtesë për ata që i frikësohen Zotit!

وَإِنَّا لَنَعْلَمُ أَنَّ مِنكُم مُّكَذِّبِينَ

Ne e dimë mirë se ka prej jush që e mohojnë atë.

وَإِنَّهُۥ لَحَسْرَةٌ عَلَى ٱلْكَـٰفِرِينَ

Ai është keqardhje për mohuesit.

وَإِنَّهُۥ لَحَقُّ ٱلْيَقِينِ

Ai është, pa dyshim, e vërtetë e pamohueshme.

فَسَبِّحْ بِٱسْمِ رَبِّكَ ٱلْعَظِيمِ

Prandaj, lartësoje emrin e Zotit tënd të Madhërishëm!