Al-Qalam

نٓ ۚ وَٱلْقَلَمِ وَمَا يَسْطُرُونَ

Nûn. Betohem për penën dhe për atë që shkruajnë

مَآ أَنتَ بِنِعْمَةِ رَبِّكَ بِمَجْنُونٍ

se ti (o Muhamed), falë mirësisë së Zotit tënd, nuk je i marrë.

وَإِنَّ لَكَ لَأَجْرًا غَيْرَ مَمْنُونٍ

Pa dyshim, ti do të jesh përherë i shpërblyer

وَإِنَّكَ لَعَلَىٰ خُلُقٍ عَظِيمٍ

se ti je me virtyte madhore.

فَسَتُبْصِرُ وَيُبْصِرُونَ

Së shpejti ti do ta shohësh, por edhe ata do ta shohin,

بِأَييِّكُمُ ٱلْمَفْتُونُ

se cilin prej jush e ka prekur marrëzia.

إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِۦ وَهُوَ أَعْلَمُ بِٱلْمُهْتَدِينَ

Zoti yt e di më së miri, se cili është shmangur nga rruga e Tij dhe, i njeh mirë ata që janë në rrugën e drejtë.

فَلَا تُطِعِ ٱلْمُكَذِّبِينَ

Andaj, ti mos i dëgjo jobesimtarët!

وَدُّوا۟ لَوْ تُدْهِنُ فَيُدْهِنُونَ

Ata dëshirojnë që ti të bësh lëshime, kështu që dhe ata të bëjnë lëshime.

وَلَا تُطِعْ كُلَّ حَلَّافٍ مَّهِينٍ

Por ti mos iu bind çdo betari të përçmuar,

هَمَّازٍ مَّشَّآءٍۭ بِنَمِيمٍ

shpifaraku, që përhap thashetheme,

مَّنَّاعٍ لِّلْخَيْرِ مُعْتَدٍ أَثِيمٍ

penguesi veprash të mira, shkelësi dhe keqbërësi,

عُتُلٍّۭ بَعْدَ ذَٰلِكَ زَنِيمٍ

të ashpri që, veç kësaj, është edhe kopil,

أَن كَانَ ذَا مَالٍ وَبَنِينَ

vetëm se është i pasur dhe ka shumë djem.

إِذَا تُتْلَىٰ عَلَيْهِ ءَايَـٰتُنَا قَالَ أَسَـٰطِيرُ ٱلْأَوَّلِينَ

Kur i lexohen shpalljet tona, ai thotë: “Këto janë vetëm përralla të të lashtëve!”

سَنَسِمُهُۥ عَلَى ٱلْخُرْطُومِ

Ne do t’ia damkosim hundën!

إِنَّا بَلَوْنَـٰهُمْ كَمَا بَلَوْنَآ أَصْحَـٰبَ ٱلْجَنَّةِ إِذْ أَقْسَمُوا۟ لَيَصْرِمُنَّهَا مُصْبِحِينَ

Ne i kemi vënë në provë ata (banorët e Mekës), ashtu siç i sprovuam të zotët e kopshtit, të cilët ishin betuar se në mëngjes do t’i vilnin frutat

وَلَا يَسْتَثْنُونَ

e nuk patën thënë “Në dashtë Zoti”!

فَطَافَ عَلَيْهَا طَآئِفٌ مِّن رَّبِّكَ وَهُمْ نَآئِمُونَ

Kështu, kopshtin e goditi një fatkeqësi nga Zoti yt, ndërkohë që ata po flinin

فَأَصْبَحَتْ كَٱلصَّرِيمِ

dhe gdhiu si i kositur.

فَتَنَادَوْا۟ مُصْبِحِينَ

Në agim, ata thirrën njëri-tjetrin:

أَنِ ٱغْدُوا۟ عَلَىٰ حَرْثِكُمْ إِن كُنتُمْ صَـٰرِمِينَ

“Nxitoni herët në kopshtin tuaj, nëse doni t’i vilni frutat!”

فَٱنطَلَقُوا۟ وَهُمْ يَتَخَـٰفَتُونَ

Dhe u nisën duke pëshpëritur:

أَن لَّا يَدْخُلَنَّهَا ٱلْيَوْمَ عَلَيْكُم مِّسْكِينٌ

“Të mos lejojmë asnjë të vobekët që të hyjë në kopshtin tonë!”

وَغَدَوْا۟ عَلَىٰ حَرْدٍ قَـٰدِرِينَ

Ata u nisën herët, të vendosur në atë që thanë.

فَلَمَّا رَأَوْهَا قَالُوٓا۟ إِنَّا لَضَآلُّونَ

Por, kur e panë kopshtin, ata thanë: “Ne qenkemi vërtet të humbur;

بَلْ نَحْنُ مَحْرُومُونَ

madje, qenkemi të privuar (nga frutat e kopshtit).”

قَالَ أَوْسَطُهُمْ أَلَمْ أَقُل لَّكُمْ لَوْلَا تُسَبِّحُونَ

Më i arsyeshmi ndër ta tha: “A nuk ju thashë unë se duhet ta lartësoni Allahun?!”

قَالُوا۟ سُبْحَـٰنَ رَبِّنَآ إِنَّا كُنَّا ظَـٰلِمِينَ

“Lavdëruar qoftë Zoti ynë! - thanë - Ne paskemi qenë vërtet të padrejtë!”

فَأَقْبَلَ بَعْضُهُمْ عَلَىٰ بَعْضٍ يَتَلَـٰوَمُونَ

Atëherë filluan të qortojnë njëri-tjetrin.

قَالُوا۟ يَـٰوَيْلَنَآ إِنَّا كُنَّا طَـٰغِينَ

“Ah, të mjerët ne! - thanë ata - Paskemi qenë vërtet arrogantë!

عَسَىٰ رَبُّنَآ أَن يُبْدِلَنَا خَيْرًا مِّنْهَآ إِنَّآ إِلَىٰ رَبِّنَا رَٰغِبُونَ

Zoti ynë mund të na japë një kopsht më të mirë, po të kthehemi të penduar tek Ai!”

كَذَٰلِكَ ٱلْعَذَابُ ۖ وَلَعَذَابُ ٱلْـَٔاخِرَةِ أَكْبَرُ ۚ لَوْ كَانُوا۟ يَعْلَمُونَ

I tillë ka qenë dënimi i tyre. Ndërsa dënimi në jetën tjetër, është më i madh, veç sikur ta dinin!

إِنَّ لِلْمُتَّقِينَ عِندَ رَبِّهِمْ جَنَّـٰتِ ٱلنَّعِيمِ

Për ata që ruhen (nga gjynahet), tek Allahu do të ketë kopshte të kënaqësive.

أَفَنَجْعَلُ ٱلْمُسْلِمِينَ كَٱلْمُجْرِمِينَ

Vallë, a t’i trajtojmë ata që Na nënshtrohen njësoj me keqbërësit?!

مَا لَكُمْ كَيْفَ تَحْكُمُونَ

Çfarë keni ju (jobesimtarë)? Si po gjykoni kështu?!

أَمْ لَكُمْ كِتَـٰبٌ فِيهِ تَدْرُسُونَ

A keni ndonjë libër, që ju premton,

إِنَّ لَكُمْ فِيهِ لَمَا تَخَيَّرُونَ

se do të keni çfarëdo, që të zgjidhni?!

أَمْ لَكُمْ أَيْمَـٰنٌ عَلَيْنَا بَـٰلِغَةٌ إِلَىٰ يَوْمِ ٱلْقِيَـٰمَةِ ۙ إِنَّ لَكُمْ لَمَا تَحْكُمُونَ

Apo kemi bërë me ju ndonjë besëlidhje të vlefshme deri në Ditën e Kiametit dhe, e cila ju siguron, se do ta keni atë që keni urdhëruar?

سَلْهُمْ أَيُّهُم بِذَٰلِكَ زَعِيمٌ

Pyeti ata se kush i garanton për këtë.

أَمْ لَهُمْ شُرَكَآءُ فَلْيَأْتُوا۟ بِشُرَكَآئِهِمْ إِن كَانُوا۟ صَـٰدِقِينَ

Ose, mos kanë ata bashkëpunëtorë? Atëherë le t’i sjellin bashkëpunëtorët e tyre, nëse ajo që thonë është e vërtetë.

يَوْمَ يُكْشَفُ عَن سَاقٍ وَيُدْعَوْنَ إِلَى ٱلسُّجُودِ فَلَا يَسْتَطِيعُونَ

Ditën (e Kiametit), kur të zbulohen shumë ngjarje të frikshme, ata do të thirren që të përulen në sexhde, por nuk do të munden!

خَـٰشِعَةً أَبْصَـٰرُهُمْ تَرْهَقُهُمْ ذِلَّةٌ ۖ وَقَدْ كَانُوا۟ يُدْعَوْنَ إِلَى ٱلسُّجُودِ وَهُمْ سَـٰلِمُونَ

Të ulura do të jenë shikimet e tyre dhe do t’i mbulojë poshtërimi, sepse kanë qenë të ftuar të përuleshin në sexhde, sa qenë shëndoshë (dhe nuk kanë pranuar).

فَذَرْنِى وَمَن يُكَذِّبُ بِهَـٰذَا ٱلْحَدِيثِ ۖ سَنَسْتَدْرِجُهُم مِّنْ حَيْثُ لَا يَعْلَمُونَ

Prandaj, më lër Mua me ata, që e mohojnë këtë Fjalë (Kuranin). Ne do t’i çojmë ata hap pas hapi drejt rrënimit të tyre, me mënyra që ata nuk i kuptojnë.

وَأُمْلِى لَهُمْ ۚ إِنَّ كَيْدِى مَتِينٌ

Dhe do t’u japim atyre afat; vërtet që kurthi Im është i fortë!

أَمْ تَسْـَٔلُهُمْ أَجْرًا فَهُم مِّن مَّغْرَمٍ مُّثْقَلُونَ

A mos po kërkon shpërblim prej tyre, kështu që qenkan të rënduar nga borxhet?

أَمْ عِندَهُمُ ٱلْغَيْبُ فَهُمْ يَكْتُبُونَ

Apo ata e dinë të padukshmen, kështu që e shkruajnë?

فَٱصْبِرْ لِحُكْمِ رَبِّكَ وَلَا تَكُن كَصَاحِبِ ٱلْحُوتِ إِذْ نَادَىٰ وَهُوَ مَكْظُومٌ

Prandaj, duro për gjykimin e Zotit tënd dhe mos u bëj si Njeriu i Peshkut (Junusi a.s.), kur iu lut Zotit të vet i dëshpëruar (në barkun e balenës)!

لَّوْلَآ أَن تَدَٰرَكَهُۥ نِعْمَةٌ مِّن رَّبِّهِۦ لَنُبِذَ بِٱلْعَرَآءِ وَهُوَ مَذْمُومٌ

Sikur të mos i vinte mëshira prej Zotit tënd, ai do të hidhej në një shkretëtirë, i fajësuar!

فَٱجْتَبَـٰهُ رَبُّهُۥ فَجَعَلَهُۥ مِنَ ٱلصَّـٰلِحِينَ

Por Zoti i tij e zgjodhi dhe e futi me punëdrejtët.

وَإِن يَكَادُ ٱلَّذِينَ كَفَرُوا۟ لَيُزْلِقُونَكَ بِأَبْصَـٰرِهِمْ لَمَّا سَمِعُوا۟ ٱلذِّكْرَ وَيَقُولُونَ إِنَّهُۥ لَمَجْنُونٌ

Kur dëgjojnë Kuranin, mohuesit sa nuk të hanë me shikimet e tyre dhe thonë: “Ai është vërtet i marrë!”

وَمَا هُوَ إِلَّا ذِكْرٌ لِّلْعَـٰلَمِينَ

Por Kurani është vetëm këshillë për botët.