Al-Waqi'ah

إِذَا وَقَعَتِ ٱلْوَاقِعَةُ

Kur të ndodhë Ngjarja (Kiameti),

لَيْسَ لِوَقْعَتِهَا كَاذِبَةٌ

ardhjen e saj askush nuk do ta mohojë.

خَافِضَةٌ رَّافِعَةٌ

Disa do t’i ulë e disa do t’i lartësojë.

إِذَا رُجَّتِ ٱلْأَرْضُ رَجًّا

Kur Toka të dridhet fuqishëm,

وَبُسَّتِ ٱلْجِبَالُ بَسًّا

malet të thërrmohen copë-copë

فَكَانَتْ هَبَآءً مُّنۢبَثًّا

e të shndërrohen në pluhur të shpërndarë,

وَكُنتُمْ أَزْوَٰجًا ثَلَـٰثَةً

ju, (o njerëz) do të ndaheni në tri grupe:

فَأَصْحَـٰبُ ٱلْمَيْمَنَةِ مَآ أَصْحَـٰبُ ٱلْمَيْمَنَةِ

njerëzit e së djathtës - sa të nderuar do të jenë fatlumët!

وَأَصْحَـٰبُ ٱلْمَشْـَٔمَةِ مَآ أَصْحَـٰبُ ٱلْمَشْـَٔمَةِ

njerëzit e së majtës - sa të poshtëruar do të jenë fatkeqët!

وَٱلسَّـٰبِقُونَ ٱلسَّـٰبِقُونَ

dhe ata që kanë prirë (në besim) e që do të prijnë (edhe në Xhenet).

أُو۟لَـٰٓئِكَ ٱلْمُقَرَّبُونَ

Ata janë të afërtit (tek Allahu),

فِى جَنَّـٰتِ ٱلنَّعِيمِ

në kopshtet e kënaqësisë.

ثُلَّةٌ مِّنَ ٱلْأَوَّلِينَ

Shumica e tyre janë prej të lashtëve,

وَقَلِيلٌ مِّنَ ٱلْـَٔاخِرِينَ

ndërsa një pakicë prej brezave të mëvonshëm.

عَلَىٰ سُرُرٍ مَّوْضُونَةٍ

Ata do të qëndrojnë në divane të stolisura me ar e gurë të çmuar,

مُّتَّكِـِٔينَ عَلَيْهَا مُتَقَـٰبِلِينَ

të mbështetur në to përballë njëri-tjetrit.

يَطُوفُ عَلَيْهِمْ وِلْدَٰنٌ مُّخَلَّدُونَ

Do t’u sillen rreth (për shërbim) djelmosha përherë të rinj,

بِأَكْوَابٍ وَأَبَارِيقَ وَكَأْسٍ مِّن مَّعِينٍ

me kupa, ibrikë dhe gota me pije të kulluar, që rrjedh

لَّا يُصَدَّعُونَ عَنْهَا وَلَا يُنزِفُونَ

e prej së cilës nuk do t’u dhembë koka dhe nuk do t’u humbë mendja,

وَفَـٰكِهَةٍ مِّمَّا يَتَخَيَّرُونَ

e me fruta të cilat do t’i zgjedhin vetë

وَلَحْمِ طَيْرٍ مِّمَّا يَشْتَهُونَ

dhe mish shpendësh që ua ka ënda.

وَحُورٌ عِينٌ

Për ata ka edhe hyri symëdha,

كَأَمْثَـٰلِ ٱللُّؤْلُؤِ ٱلْمَكْنُونِ

të ngjashme me margaritarët e ruajtur,

جَزَآءًۢ بِمَا كَانُوا۟ يَعْمَلُونَ

si shpërblim për atë që kanë punuar.

لَا يَسْمَعُونَ فِيهَا لَغْوًا وَلَا تَأْثِيمًا

Aty nuk do të dëgjojnë biseda të kota, as fjalë gjynahesh,

إِلَّا قِيلًا سَلَـٰمًا سَلَـٰمًا

por vetëm fjalët “Paqe, paqe”!

وَأَصْحَـٰبُ ٱلْيَمِينِ مَآ أَصْحَـٰبُ ٱلْيَمِينِ

E njerëzit e së djathtës – sa të nderuar që janë fatlumët!

فِى سِدْرٍ مَّخْضُودٍ

Ata do të qëndrojnë në mes të lotusëve pa gjemba

وَطَلْحٍ مَّنضُودٍ

dhe bananeve të mbushura me fruta,

وَظِلٍّ مَّمْدُودٍ

nën hije të gjera,

وَمَآءٍ مَّسْكُوبٍ

pranë një uji rrjedhës,

وَفَـٰكِهَةٍ كَثِيرَةٍ

dhe mes frutave të llojllojshme,

لَّا مَقْطُوعَةٍ وَلَا مَمْنُوعَةٍ

të cilat kurrë nuk sosen, as nuk janë të ndaluara;

وَفُرُشٍ مَّرْفُوعَةٍ

dhe në shtroje të ngritura (ku i presin hyritë),

إِنَّآ أَنشَأْنَـٰهُنَّ إِنشَآءً

të cilat Ne i kemi krijuar në një formë të veçantë (jo të lindura),

فَجَعَلْنَـٰهُنَّ أَبْكَارًا

dhe i kemi bërë ato virgjëresha,

عُرُبًا أَتْرَابًا

të dashura për bashkëshortët e tyre dhe moshatare me ta,

لِّأَصْحَـٰبِ ٱلْيَمِينِ

për njerëzit e së djathtës.

ثُلَّةٌ مِّنَ ٱلْأَوَّلِينَ

Janë shumë nga të lashtët

وَثُلَّةٌ مِّنَ ٱلْـَٔاخِرِينَ

e shumë edhe nga të mëvonshmit.

وَأَصْحَـٰبُ ٱلشِّمَالِ مَآ أَصْحَـٰبُ ٱلشِّمَالِ

Po njerëzit e së majtës – sa të poshtëruar janë fatkeqët!

فِى سَمُومٍ وَحَمِيمٍ

Ata do të jenë në afshin përcëllues të zjarrit dhe ujit të valuar

وَظِلٍّ مِّن يَحْمُومٍ

dhe nën hijen e një tymi të zi,

لَّا بَارِدٍ وَلَا كَرِيمٍ

e cila nuk do të jetë as e freskët e as e këndshme.

إِنَّهُمْ كَانُوا۟ قَبْلَ ذَٰلِكَ مُتْرَفِينَ

Ata, para kësaj, jetonin në luks

وَكَانُوا۟ يُصِرُّونَ عَلَى ٱلْحِنثِ ٱلْعَظِيمِ

dhe në vazhdimësi bënin gjynahe të rënda,

وَكَانُوا۟ يَقُولُونَ أَئِذَا مِتْنَا وَكُنَّا تُرَابًا وَعِظَـٰمًا أَءِنَّا لَمَبْعُوثُونَ

duke thënë: “Vallë, pasi të vdesim e të bëhemi pluhur e eshtra, vërtet do të ringjallemi?!

أَوَءَابَآؤُنَا ٱلْأَوَّلُونَ

Vallë, edhe të parët tanë të lashtë?!”

قُلْ إِنَّ ٱلْأَوَّلِينَ وَٱلْـَٔاخِرِينَ

Thuaju (o Muhamed): “Me siguri, edhe të parët, edhe të mbramët,

لَمَجْمُوعُونَ إِلَىٰ مِيقَـٰتِ يَوْمٍ مَّعْلُومٍ

do të tubohen në një ditë të caktuar.

ثُمَّ إِنَّكُمْ أَيُّهَا ٱلضَّآلُّونَ ٱلْمُكَذِّبُونَ

Dhe atëherë ju, o jobesimtarë të humbur,

لَـَٔاكِلُونَ مِن شَجَرٍ مِّن زَقُّومٍ

me siguri që do të hani nga pema e zekumit,

فَمَالِـُٔونَ مِنْهَا ٱلْبُطُونَ

me të cilën do të mbushni barkun.

فَشَـٰرِبُونَ عَلَيْهِ مِنَ ٱلْحَمِيمِ

Pastaj do të pini ujë të valuar,

فَشَـٰرِبُونَ شُرْبَ ٱلْهِيمِ

madje do të pini ashtu siç pi deveja e etshme”.

هَـٰذَا نُزُلُهُمْ يَوْمَ ٱلدِّينِ

Kështu do të jetë gostia e tyre në Ditën e Llogarisë!

نَحْنُ خَلَقْنَـٰكُمْ فَلَوْلَا تُصَدِّقُونَ

Ne ju krijuam – e pse nuk e pranoni të vërtetën?

أَفَرَءَيْتُم مَّا تُمْنُونَ

A e keni parë farën që e hidhni?

ءَأَنتُمْ تَخْلُقُونَهُۥٓ أَمْ نَحْنُ ٱلْخَـٰلِقُونَ

A jeni ju që e krijoni atë apo jemi Ne krijuesit e saj?

نَحْنُ قَدَّرْنَا بَيْنَكُمُ ٱلْمَوْتَ وَمَا نَحْنُ بِمَسْبُوقِينَ

Ne e caktojmë vdekjen tuaj dhe askush nuk mund të na pengojë

عَلَىٰٓ أَن نُّبَدِّلَ أَمْثَـٰلَكُمْ وَنُنشِئَكُمْ فِى مَا لَا تَعْلَمُونَ

që t’jua ndryshojmë trajtën dhe t’ju rikrijojmë ashtu si nuk e dini (në Ditën e Ringjalljes).

وَلَقَدْ عَلِمْتُمُ ٱلنَّشْأَةَ ٱلْأُولَىٰ فَلَوْلَا تَذَكَّرُونَ

Sigurisht, ju e dini krijimin e parë (prej një pike fare), atëherë përse nuk mendoni?!

أَفَرَءَيْتُم مَّا تَحْرُثُونَ

A shihni atë që mbillni?

ءَأَنتُمْ تَزْرَعُونَهُۥٓ أَمْ نَحْنُ ٱلزَّٰرِعُونَ

Vallë, ju e bëni atë që të mbijë apo jemi Ne rritësit e saj?

لَوْ نَشَآءُ لَجَعَلْنَـٰهُ حُطَـٰمًا فَظَلْتُمْ تَفَكَّهُونَ

Nëse duam, Ne e lëmë fyçkë dhe ju do të çuditeni

إِنَّا لَمُغْرَمُونَ

(e do të thoni): “Ne jemi të dëmtuar,

بَلْ نَحْنُ مَحْرُومُونَ

madje jemi krejt të privuar (nga furnizimi)!”

أَفَرَءَيْتُمُ ٱلْمَآءَ ٱلَّذِى تَشْرَبُونَ

A e shihni ujin që pini?

ءَأَنتُمْ أَنزَلْتُمُوهُ مِنَ ٱلْمُزْنِ أَمْ نَحْنُ ٱلْمُنزِلُونَ

Vallë, ju e zbrisni atë prej reve apo Ne e zbresim?

لَوْ نَشَآءُ جَعَلْنَـٰهُ أُجَاجًا فَلَوْلَا تَشْكُرُونَ

Nëse duam, Ne e bëjmë atë të njelmët, andaj përse nuk jeni mirënjohës?!

أَفَرَءَيْتُمُ ٱلنَّارَ ٱلَّتِى تُورُونَ

A e shihni zjarrin që e ndizni?

ءَأَنتُمْ أَنشَأْتُمْ شَجَرَتَهَآ أَمْ نَحْنُ ٱلْمُنشِـُٔونَ

Vallë, ju i keni bërë drutë për të apo Ne i kemi bërë?!

نَحْنُ جَعَلْنَـٰهَا تَذْكِرَةً وَمَتَـٰعًا لِّلْمُقْوِينَ

Ne e kemi bërë atë përkujtues (të zjarrit të Xhehenemit) dhe, që t’u sjellë dobi nevojtarëve,

فَسَبِّحْ بِٱسْمِ رَبِّكَ ٱلْعَظِيمِ

prandaj lavdëroje emrin e Zotit tënd të Madhërishëm!

۞ فَلَآ أُقْسِمُ بِمَوَٰقِعِ ٱلنُّجُومِ

Betohem në çastin e perëndimit të yjeve,

وَإِنَّهُۥ لَقَسَمٌ لَّوْ تَعْلَمُونَ عَظِيمٌ

- e ky është betim i madh, veç sikur ta dinit

إِنَّهُۥ لَقُرْءَانٌ كَرِيمٌ

se ky është vërtet një Kuran i nderuar,

فِى كِتَـٰبٍ مَّكْنُونٍ

në Librin e ruajtur.

لَّا يَمَسُّهُۥٓ إِلَّا ٱلْمُطَهَّرُونَ

Atë (Kuranin) e prekin vetëm të pastrit.

تَنزِيلٌ مِّن رَّبِّ ٱلْعَـٰلَمِينَ

Ai është Shpallje prej Zotit të botëve.

أَفَبِهَـٰذَا ٱلْحَدِيثِ أَنتُم مُّدْهِنُونَ

Vallë, një Fjalë të tillë ju e mohoni

وَتَجْعَلُونَ رِزْقَكُمْ أَنَّكُمْ تُكَذِّبُونَ

dhe e bëni detyrën tuaj (të përditshme) ta përgënjeshtroni?!

فَلَوْلَآ إِذَا بَلَغَتِ ٱلْحُلْقُومَ

Atëherë, përse kur (dikujt) i vjen (shpirti) në grykë

وَأَنتُمْ حِينَئِذٍ تَنظُرُونَ

para syve tuaj,

وَنَحْنُ أَقْرَبُ إِلَيْهِ مِنكُمْ وَلَـٰكِن لَّا تُبْصِرُونَ

- ndërkohë që Ne jemi më afër atij se ju, por ju nuk e vini re

فَلَوْلَآ إِن كُنتُمْ غَيْرَ مَدِينِينَ

përse pra, nëse nuk do të gjykoheni (në jetën e përtejme),

تَرْجِعُونَهَآ إِن كُنتُمْ صَـٰدِقِينَ

ju nuk ia ktheni shpirtin atij? Përgjigjjuni kësaj, nëse thoni të vërtetën!

فَأَمَّآ إِن كَانَ مِنَ ٱلْمُقَرَّبِينَ

Kështu, nëse ai (në agoni) është nga ata që janë të afërt (me Allahun),

فَرَوْحٌ وَرَيْحَانٌ وَجَنَّتُ نَعِيمٍ

do të ketë prehje, kënaqësi dhe dhunti të Xhenetit.

وَأَمَّآ إِن كَانَ مِنْ أَصْحَـٰبِ ٱلْيَمِينِ

E, nëse është nga njerëzit e së djathtës,

فَسَلَـٰمٌ لَّكَ مِنْ أَصْحَـٰبِ ٱلْيَمِينِ

(ai do të përshëndetet) “Paqe për ty” nga njerëzit e së djathtës.

وَأَمَّآ إِن كَانَ مِنَ ٱلْمُكَذِّبِينَ ٱلضَّآلِّينَ

Por, nëse (ai në agoni) është nga përgënjeshtruesit e humbur,

فَنُزُلٌ مِّنْ حَمِيمٍ

ai do të gostitet me ujë të valuar

وَتَصْلِيَةُ جَحِيمٍ

dhe do të përcëllohet në Zjarrin e flakëruar (të Xhehenemit).

إِنَّ هَـٰذَا لَهُوَ حَقُّ ٱلْيَقِينِ

Pa dyshim, kjo është e Vërteta e sigurt.

فَسَبِّحْ بِٱسْمِ رَبِّكَ ٱلْعَظِيمِ

Andaj lavdëroje emrin e Zotit tënd të Madhërishëm!